పేదల పాలిట వరం సీఎం రిలీఫ్‌ ఫండ్‌..

నాచారం, ట్రైనెట్ న్యూస్ , సెప్టెంబర్ 9 :

పేద, మధ్యతరగతి కుటుంబాలకు సీఎం రిలీఫ్‌ ఫండ్‌ (సీఎంఆర్‌ఎఫ్‌) అండగా నిలుస్తోందని బీఆర్‌ఎస్‌ నాయకులు తెలిపారు. నాచారం, హెచ్‌ఎంటీ నగర్‌ డివిజన్ లకు చెందిన పలువురు ఆర్థిక సాయం కోసం ఉప్పల్‌ శాసనసభ్యులు బండారి లక్ష్మారెడ్డిని కలిసి దరఖాస్తు చేసుకున్నారు. వారి అభ్యర్థనలను పరిశీలించిన ఎమ్మెల్యే సీఎం కార్యాలయం ద్వారా రిలీఫ్‌ ఫండ్‌ మంజూరయ్యేలా చొరవ తీసుకున్నారు. మంజూరైన సీఎంఆర్‌ఎఫ్‌ చెక్కులను బీఆర్‌ఎస్‌ పార్టీ రాష్ట్ర నాయకులు సాయిజెన్‌ శేఖర్‌ లబ్ధిదారులకు పంపిణీ చేశారు. ఈ సందర్భంగా బన్నెపాక పరశురాం రూ.42,000, టి. రేఖ రూ.37,500, బి. శశిరేఖ రూ.54,000 చొప్పున చెక్కులు అందజేశారు. మొత్తం రూ.1,33,500 విలువైన చెక్కులను పంపిణీ చేశారు. ఈ సందర్భంగా లబ్ధిదారులు సీఎం రిలీఫ్‌ ఫండ్‌ మంజూరుకు సహకరించిన ఎమ్మెల్యే బండారి లక్ష్మారెడ్డికి కృతజ్ఞతలు తెలిపారు. ఆర్థికంగా ఇబ్బందులు ఎదుర్కొంటున్న పేదలకు సీఎంఆర్‌ఎఫ్‌ ఎంతో ఉపయోగకరంగా ఉంటుందని నాయకులు పేర్కొన్నారు.